नेपालगञ्ज– आठौं राष्ट्रिय खेलकुद अन्तर्गत पुरुष फुटबलतर्फको उपाधि विभागीय टोली आर्मीले जितेको छ ।
अर्को विभागीय टोली नेपाल प्रहरीको नेपाल पुलिस क्लबलाई १–० गोल अन्तरले पराजित गर्दै आर्मीले उपाधि चुमेको हो ।
आर्मीको जितका लागि खेलको ४४ औं मिटेमा विकास तामाङ पहिलो गोल गरेका थिए । त्यही गोल नै निर्णायक बन्यो । पुलिसले अन्तिम सम्म पनि गोल गर्न नसकेपछि पुलिस उपविजेतामा सिमित भएको हाे ।
फुटबलमा आर्मीले स्वर्ण हात पार्दा पुलिसले रजतमा चित्त बुझाएको छ । आज बिहान तेस्रो स्थानका लागि भएको खेलमा एपीएफले आयोजक प्रदेश पाँचलाई हराउँदै कास्य पदक हात पारेको थियो ।
प्रतिक्रिया