काठमाडौँ– अभिनेता किशोर खतिवडा र अभिनेत्री सबिता रेग्मीको मुख्य भुमिका रहेको फिल्म ‘सिर्जना’को हाल मकमानपुरको विभिन्न स्थानमा धमाधम छायांकन भैरहेको छ ।

गत माघ १० गते हेटौंडामा मुहुर्त गरेर छायांकन शुरु भएको फिल्मको हाल २५ प्रतिशत काम सकिएको निर्माण पक्षले जनाएको छ ।

फिल्ममा सबिताले शीर्ष भूमिका निर्वाह गरिरहँदा अभिनेता खतिवडा सिर्जनाको पतिको चरित्रमा देखिदैछन् । फिल्ममा वीरेन डिसी, पर्खाया बानियाँ, रामचन्द्र अधिकारी, रमेश अधिकारीलगायतका कलाकारहरुको अभिनय छ ।

बाबु थिङ निर्देशित सामाजिक कथाबस्तुको फिल्ममा सन्ध्या शाहको लगानी छ । क्रियसन स्टुडियो प्रालिको व्यानरमा निर्माण भइरहेको फिल्ममा विकास चौधरीको संगीत, सुनिल सिंहको छायांकन, राजु किराँतीको द्वन्द्व छ ।