काठमाडौं- प्रधानमन्त्री कप राष्ट्रिय क्रिकेट प्रतियोगितामा ईमर्जिङ खेलाडीको पुरस्कार प्रदेश नम्बर २ का खेलाडी विवेक यादवले जितेको छन्।

नेपाल क्रिकेट संघ (क्यान)ले राष्ट्रिय खेलकुद परिषद् (राखेप) को कार्यक्रम अन्तर्गत आयोजना गरेको प्रतियोगिता शनिबार त्रिभुवन आर्मी क्लबलाई उपधि सुम्पिँदै समापन भएको छ। समापन कार्यक्रम यादवले ईमर्जिङ खेलाडी अवार्डबाट सम्मानित भए।

उनले २५ हजार पुरस्कार रकम प्राप्त गरेका छन्। यस्तै प्रतियोगितामा उत्कृष्ट बलिङ गरेका च्याम्पियन टोली आर्मीका साहब आलमले उत्कृष्ट बलरको पुरस्कार प्राप्त गरे भने उत्कृय्ट ब्याट्सम्यान बागमती प्रदेशका पृथु बास्कोटाले जितेका छन्।

बास्कोटा र आलमले समान २५ हजार पुरस्कार राशि प्राप्त गरेका छन्। म्यान अफ दि सिरिज भने सशस्त्र प्रहरी बल एपीएफका कमलसिंह ऐरीले प्राप्त गरेका छन्। उनले ५० हजार प्राप्त गरेका छन्।