सर्लाही– नेपाली कांग्रेसका नेता डा. शेखर कोइरालाले प्रधानमन्त्री केपी शर्मा ओलीको संसद विघटनको निर्णयले देशलाई संकटतर्फ धकेलिएको बताएका छन ।

नेपाल महिला संघ सर्लाही क्षेत्र नं ३ ले हरिवनमा आयोजना गरेको प्रशिक्षण कार्यक्रमको उदघाटन समारोहलाई सम्बोधन गर्दै नेता कोइरालाले संसद विघटन गरेर ओली ‘सर्वसत्तावाद’तर्फ अघि बढेको आरोप लगाए ।

सम्बोधनकै क्रममा नेता कोइरालाले ओलो सरकारले ‘साइबर सेना’को दम्भ देखाएर जनतालाई त्रास देखाउने काम गरेको बताए । उनले भने,‘यो सरकारले साइबर सेना लगाएर अभिव्यक्ति स्वतन्त्रता हनन गर्ने र नागरिकहरूलाई धम्क्याउने काम गरेको छ ।’

कार्यक्रममा कांग्रेस केन्द्रीय सदस्यहरु डिना उपाध्याय, दिपक गिरी, रामकृष्ण यादव, सरिता प्रसाईं र जंगीलाल यादव लगायलते ओलीको कदम असंवैधानिक रहेको बताएका थिए ।