काठमाडौँ– अवैध लागूऔषध सहित प्रहरीले एकजनालाई पक्राउ गरेको छ ।

टोखा नगरपालिका–८ रमणबस्ती बाट २५.२ ग्राम अवैध लागूऔषध खैरो हेरोइन र २३ लाख ५० हजार रुपैयाँ सहित  धादिङका मनिष भन्ने ३१ वर्षीय दुर्गा सिं तामाङलाई प्रहरीले पक्राउ गरेको हो ।

लागूऔषध नियन्त्रण ब्यूरो कोटेश्वरबाट खटिएको प्रहरीले जाँच गर्नेक्रममा रमणबस्ती आवास क्षेत्र गेट अगाडि सडकबाट दुर्गा सिंलाई ६ ग्राम अवैध लागूऔषध खैरो हेरोइन र नगद १० हजार रुपैयाँ सहित फेला पारी पक्राउ गरेको थियो ।

साथै घटनाको अनुसन्धानको क्रममा उनको डेराबाट थप १९.२ ग्राम अवैध लागूऔषध खैरो हेरोइन र नगद २३ लाख ४० हजार रुपैयाँ बरामद गरेको जनाएको छ ।

दुर्गा सिंमाथि लागूऔषध मुद्दामा थप अनुसन्धान भइरहेको उक्त ब्यूरोले बनाएको छ ।