मुम्बई– अभिनेता प्रभाष पर्दामा मात्र ‘बाहुबली’ छैनन्, वास्तविक जीवनमा पनि उनको कार्यशैली बाहुबलीकै जस्तो छ । यी अभिनेता ‘लार्जर देन लाइफ’ जिन्दगी बिताउछन् । उनी वर्षमा जति कमाई गर्छन्, त्यसकै अनुपातमा उनको खर्च पनि उत्तिकै छ ।

प्रभाषले सन् २०१९ मा कुल ३५ करोड कमाएका थिए । उनको कमाईको यो आँकडा फोब्र्स पत्रिकाद्वारा जारी गरिएको हो । पत्रिकाका अनुसार सन् २०१९ मा सर्वाधिक कमाएका सय सेलिब्रेटीको सूचीमा प्रभाष ४४ औं नम्बरमा थिए । यही वर्षमा प्रभाष अभिनित फिल्म ‘साहो’ रिलिज भएको थियो । फिल्मको ओपनिङ बम्पर थियो । पहिलो दिन नै फिल्मले १ सय ३० करोडको कमाई गरेको थियो । यही फिल्मपछि फोर्ब्सले सूची जारी गरेको हो ।

प्रभाष तेलुगू फिल्म उद्योगको महंगा अभिनेतामध्ये एक हुन् । उनी कमाईसँगै खर्च पनि राम्रै गर्छन् । हैदराबादमा उनको करिब ६० करोड मूल्य बराबरको फार्म हाउस छ । यो फार्म हाउस जुबली हिल्समा छ । जहाँ बगैचा, खेल मैदान, जिम र स्वीमिङ पुलसहित बिलासी सुविधा उपलब्ध छन् ।

फिल्म ‘बाहुबली’ गर्नका लागि प्रभाषलाई २० किलो भन्दा बढी तौल बढाउनुपर्ने थियो । यो उनका लागि सजिलो थिएन । त्यसका लागि उनलाई घरमा नै जिम सुविधा आवश्यक पर्दथ्यो । त्यहीकारण उनले करिब डेढ करोड खर्च गरेर घरमै जिमको सेटअप गराए ।

फिल्म ‘बाहुबली’ अघि प्रभाषको तौल ८२ किलो थियो र केही महिनामा त्यो तौल बढाएर उनले १ सय २ पु¥याए । त्यसका लागि उनले घरमै डाइटसँगै जिम सुविधा पनि लिए ।

कामको कुरा गर्दा यो वर्ष प्रभाषको फिल्म ‘राधे श्याम’ रिलिज हुँदैछ । यसमा प्रभाषसँगै पूजा हेगडे देखिदैछिन् । यो फिल्मबाहेक बलिउड अभिनेत्री दीपिका पादुकोणका साथ प्रभाषको फिल्म ‘महाभारत’ आउदैछ ।