पेशावर– पाकिस्तानको खैबर पख्तुनख्वाको राजधानी पेशावर शहरमा प्रधानमन्त्री इमरान खानले गत अगस्टमा बस र्‍यापीड ट्रान्जिट (बीआरटी) यातायात प्रणालीको उद्घाटन गरे पनि केही महिनामै गुनासोहरु शुरु भएको छ।

उद्घाटनको लामो समयभइसक्दा अहिलेसम्म पनि बीआरटी यातायात परियोजना सम्पन्न भएको छैन भने अर्कोतर्फ यातायात प्रणालीमा उचित शौचालय लगायत सुविधा उपलब्ध नभएको र सरसफाईको व्यावस्था नभएको यात्रुहरुले गुनासो गरेका छन् ।

यो परियोजनाको राजस्व बढाउनका लागी ३ वटा वित्तीय भवनहरु बनाउने काम पनि अहिलेसम्म सम्पन्न भएको छैन।

व्यवस्थित शौचालय र वित्तीय भवनहरुको कार्य छिट्टै सम्पन्न हुने पेशवार विकास प्राधिकारणका महानिर्देशकले बताएका छन् ।

पाकिस्तानमा सरकारी परियोजनामा ढिलासुस्ती, भ्रष्टाचार र अनियमितता चुलिएको सर्वसाधरणको गुनाँसो रहँदै आएको छ।