काठमाडौं – कर्णाली प्रदेशले प्रधानमन्त्री कप राष्ट्रिय एकदिवसीय क्रिकेट प्रतियोगितामा पहिलो जीत हात पारेको छ। मुलपानी क्रिकेट मैदानमा भएको खेलमा कर्णालीले गण्डकी प्रदेशमाथि ५ विकेटको सम्मानपूवक जीत हात पारेको हो।

सुरुवाती ब्याटिङ गरेको गण्डकीले ४२ ओभर तीन बलमा सबै विकेट गुमाएर २०४ रन बनाएको थियो। २०५ रनको लक्ष्य पछ्याएको कर्णालीले ३६.५ ओभरमा ५ विकेट गुमाएर लक्ष्य पूरा गरेको हो।

कर्णालीका लागि हिमान्शु शाहीले ६८ रन बनाए। उनले ६० बलमा ७ चौकाको मद्दतले ६८ रन प्रहार गरेका हुन्।
यस्तै, कर्णालीका लागि विपिन रावलले ४९ रन बनाए भने राज शाहले ३२ रन जोडे।

कर्णालीविरुद्व प्रदेश २ का विपिन खत्रिले ४ विकेट लिए भने सुवा भण्डारीले १ विकेट लिए। यसअघि टस जितेर पहिलो ब्याटिङ गरेको गण्डकीका राहुल उपाध्यायले ५३ रन प्रहार गरे भने अर्जुन कुमालले ४६ रनको योगदान दिए। त्यस्तै, कप्तान विपिन खत्रिले ३२ रन जोड्दा विसाल पौडेलले १५ रन बनाए भने।

गण्डकीविरुद्ध कर्णालीका बलरले ४१ रन एक्स्ट्रा दिए। जसले गण्डकीका लागि मध्यम लक्ष्यका लागि सहयोग पुर्याएको थियो।

त्यस्तै, कर्णालीका दिनेश अधिकारीले तीन विकेट गिराए भने अनुज चुनरा र दिवन पुनले समान २,२ विकेट लिए। समूह ए मा रहेको कर्णालीले पहिलो जितसँगै दुई अंक जोडेको छ भने तीन खेल खेलेको गण्डकीको २ अंक रहेको छ।