काठमाडाैँ– नेपाल कम्युनिस्ट पार्टी (नेकपा) प्रचण्ड–माधव नेपाल समूहले प्रतिनिधिसभा विघटन विरुद्ध देशभर उत्रिन अपिल गरेको छ।

अध्यक्षद्वय पुष्पकमल दाहाल ‘प्रचण्ड’ र माधव कुमार नेपालले आज ६ पेज लामो अपिल जारी गर्दै लोकतन्त्र समाप्त पार्ने षड्यन्त्र रोक्दै संविधान जोगाउन सबै जना यसैमा केन्द्रित हुन आग्रह गरेका हुन ।

‘हामीबाट विगतमा भएका कतिपय गल्ती कमजोरीहरूप्रति सजग हुँदै भविष्यमा फेरि त्यस्ता कमीकमजोरी नदोहोरिऊन् भन्ने कुरामा हामी सचेत छौं,’ अपिलमा भनिएको छ, ‘यतिबेला आफ्ना अरु सबै कुरालाई थाँती राखेर प्रतिनिधिसभा विघटन विरुद्धको आन्दोलनमा सामेल हुन हामी सम्पूर्ण जनसमुदाय राजनीतिक दल नागरिक समाज मतदाता कार्यकर्ता शुभेच्छुक र समर्थक साथीहरूलाई हार्दिक आह्वान गर्दछौं।’

प्रधानमन्त्री ओलीद्वारा फैलाइएका भ्रमबारे स्पष्ट बन्न समेत आग्रह गरिएको छ ।

यस्तो छ अपिल