काठमाडौँ– युथ कांग्रेस नेपालले आगलागीबाट पीडित कैलालीकी निरुता भन्डारालाई आर्थिक सहयोग गरेको छ ।

आगलागीबाट खुट्टा गुमाएकी उनको  कृत्रिम खुट्टा हाल्न यूथ कांग्रेसको संयोजकत्वमा संकलित ४० हजार रुपैयाँ सहयोग गरिएको हो ।

यूथ कांग्रेस नेपालका संयोजक, जिल्ला संयोजक र केन्द्रीय सदस्यहरूको सहयोगमा उक्त रकम संकलन गरिएको हो ।

यस अभियानमा साथ दिँदै उद्यमशील कांग्रेसका संयोजक अश्मिन सिटौँला रु १०,०००, युथ कांग्रेस नेपाल- अमेरिका संयाेजक सुरेश दर्पण पाेखरेलले रु १०,००५, केन्द्रीय सदस्य डा. रितेश थापाले रु ५,००० सहयोग गरेको युथ कांग्रेसले जनाएको छ ।

सबैबाट संकलन गरिएको उक्त सहयोग रकम निरुतालाई हस्तान्तरण गरेको युथ कांग्रेसले जनाएको छ ।