काठमाडौं – सन् २०२१ को ग्रामी अवार्ड कोरोना भाइरसका कारण पोस्टपोण्ड भएको छ ।
रेकर्डिङ एकेडेमीले मंगलवार घोषणा गर्दै यसपटकको अवार्ड जनवरी ३१ मा नहुने जानकारी दिएको हो । यसअघि यो अवार्ड समारोह निर्धारित मितिमा गरिने निर्णय भएको थियो ।
अब अवार्डको मितिमा हेरफेर भएर मार्च २४ मा हुने जनाइएको छ ।
अमेरिकाको लस एन्जल्समा हुने यो अवार्ड अमेरिकामा अझै पनि कोरोना भाइरसको जोखिम कायम रहेको भन्दै पोस्टपोण्ड गरिएको हो ।
द रेकर्डिङ एकेडेमी, ब्रोडकास्ट पार्टनर सीबीएस र इभेन्ट प्रोड्युसरबीच भएको छलफलपछि अवार्ड कार्यक्रमको मितिमा हेरफेर गरिएको अन्तराष्ट्रिय सञ्चारमाध्यमले जनाएका छन् ।
प्रतिक्रिया