एजेन्सी- बलिउडका महानायक अमिताभ बच्चन सामाजिक सञ्जालमा आफ्ना पोस्टका कारण चर्चामा रहन्छन् । उनी कहिले कविता त कहिले आफ्ना पुराना किस्सा शेयर गरेर चर्चामा रहने गरेका छन् ।

यसैबीच गत बुधबार अमिताभले शेयर गरेको एउटा पोष्टमा उनले विगतमा गरेको असफल प्रयाशका बारेमा चर्चा गरेका छन् । उनले आफू माइकल ज्याक्सन बन्न गरेको असफल प्रयाशका बारेमा आफ्ना फ्यानलाई जानकारी दिएका छन् ।

अमिताभले शेयर गरेको तस्बिरमा चम्किलो निलो चस्मा लगाएका उनले हातमा माइकलको जस्तो माइक लिएका छन् । र त्यस तस्बिरमा उनले लेखेका छन्, एम जेको नक्कल गर्ने प्रयाश फेल भएपछि …।

अमिताभका अनुसार मनमोहन देसाईले उनलाई पप रकस्टार माइकल ज्याक्सन जस्तो बनाउन फिल्म गंगा जमुना सरस्वतीमा उनैको जस्तो पहिरन लगाएका थिए । तर उनी यसमा पुर्ण विफल रहे ।