काठमाडौँ– प्रधानमन्त्री केपी शर्मा ओलीले महिलामाथि अपमान हुनेगरी अभिव्यक्ति दिएको भन्दै नेपाल कम्युनिस्ट पार्टीका नेता भीम रावलको कडा आलोचना गरेका छन् ।

नेकपा सचिवालय सदस्य समेत रहेका रावलको नामै नलिइ उनले कडा आलोचना गरेका हुन ।

‘महिलाको किड्नीले केपी ओलीको दिमाग बिग्रियो भन्नेलाई महिलाले नै जन्माएको त्यो मान्छे पहिलेदेखि नै त्यस्तो हुनुपर्छ,’ उनले भने, ‘म त्यतापट्टी जान चाहान्छ, महिलामाथिको कत्रो अपमान हो यो ?’

उनले व्यङ्ग्य गर्दै भने, ‘तिनलाई त्यो दिन बेलुका श्रीमतीले कसरी खान दिइन् होला अचम्म लाग्छ ?’

यसअघि भीम रावलले महिलाको किड्नी हालेकाले केपी ओलीको दिमाग बिग्रिएको भनी अभिव्यक्ति दिएको भन्ने ‘फेक न्यूज’ सार्वजनिक भएका थिए । रावलले यसलाई कुप्रचार भन्दै आपत्ति समेत जनाएका थिए ।

नेता रावले ट्वीटरमा लेखेका छन-

“ओलीको शरीरमा स्त्रीको अङ्ग मिसिएको हुदा दिमागले काम गरेन” भनी मैले भनेको भन्दै एउटा समाचार माध्यमले गरेको कुप्रचारको भर्त्सना गर्दछु।त्यो निकृष्ट कुरा समाचार लेख्नेको दिमागको उपज हो।मप्रति घृणा फैलाउन गरिएको उक्त कुप्रचारको घोर निन्दा गर्छु।म राजनीतिक भाषा र तथ्यमा विश्वास गर्छु

— Bhim Rawal, PhD (@BhimRawal179) December 29, 2020

हेरौँ भिडियो