मुम्बई – बलिउड हस्ती अजय देवगन र काजोलकी छोरी नीसा देवगन २० अप्रिलमा १६ वर्ष पूरा भइन् । छोरीलाई जन्मदिनको शुभकामना दिँदै काजोलले इन्स्टाग्राममा सुन्दर तस्वीर शेयर गरिन् ।
काजोलले छोरी निशासँग आफ्नो तस्वीर इन्स्टाग्राममा शेयर गर्दै लेखिन् – मेरी प्यारी छोरीलाई १६ औँ जन्मदिनको शुभकामना । म अहिले पनि तिम्रो वजन मेरो काखमा महसूस गर्छु । मलाई लाग्दैन कि, त्यो कहिल्यै बदलिने छ । तिमी जति नै ठूली हुँदै जाऊ यो याद राख कि, तिमी मेरी धड्कन बन्नेछौ ।
नीसाको जन्म सन् २००३ मा भएको थियो । छोरीका लागि काजोलले ३ वर्षसम्म फिल्म उद्योगबाट ब्रेक लिएकी थिइन् ।
अजय देवगनले आफ्नी छोरीलाई जन्मदिनको शुभकामना दिने सबैलाई आफ्नो ट्वीटरबाट धन्यवाद भनेका छन् । निशाका तर्फबाट दिइएको सन्देशमा अजयले लेखेका छन् – तपाईं सबैलाई जन्मदिनको शुभकामनाका लागि धन्यवाद ।
अजय र काजोलका दुई बच्चा छन् । दुवै बच्चालाई काजोल र अजयले खुबै ख्याल गर्छन् । समय दिन्छन् ।
नीसालाई लिएर अजय अझ बढी प्रोटेक्टिभ छन् । सामाजिक सञ्जालमा नीसा ट्रोलिङ हुँदा पनि उनले खुलेर बोल्ने गर्छन् ।
अजय अब फिल्म ‘दे दे प्यार दे’ मा देखिँदैछन् । यो रोमान्टिक कमेडी फिल्ममा अजय देवगनलाई एक व्यापारीका रुपमा देख्न सकिन्छ । जसको २४ वर्षकी युवतीसँग प्रेम बस्छ ।
Thank you everyone for your lovely birthday wishes -Nysa.
— Ajay Devgn (@ajaydevgn) April 20, 2019
प्रतिक्रिया