पोर्चुगल- कोरोना संक्रमित एक २७ वर्षीय नेपाली युवकको पोर्चुगलमा मृत्यु भएको छ ।
साउ जोसे अस्पताल मार्तिमुनिज लिस्बनमा उपचाररत तिलबहादुर रानाको मृत्यु भएको हो ।
दुई वर्षदेखि पोर्चुगललाई कर्मथलो बनाउँदै आएका रानाको नेपालको स्थायी घर तनहुँ हो ।
उनी विगत एक महिनादेखि निमोनिया र कोभिडको सङ्क्रमणबाट ग्रसित भई आइसोलेशनमा रही उपचाररत रहेको परिवार स्रोतले जानकारी दिएको छ ।
राना मृत्युले नेपाली समुदायलाई गहिरो चोट पुगेको पोर्चुगलस्थित अवैतानिक महावाणिज्य दूत मकर हमाल र गैरआवसीय नेपाली सङ्घ पोर्चुगलका अध्यक्ष तिलक गैरेले बताएका छन् ।- रासस ।
प्रतिक्रिया