काठमाडौँ- अमेरिकामा एकैदिन ३ हजार ८८० कोरोना संक्रमितको मृत्यु भएको छ ।

तथ्याङ्क अद्यावधिक गरिरहेको साइट वर्ल्डोमिटर्सका अनुसार पछिल्लो वृद्धिसँगै बिहीबार बिहानसम्म अमेरिकामा कोरोनाले ज्यान गुमाउनेको संख्या ३ लाख ५० हजार ७७८ पुगेको छ ।

पछिल्लो २४ घण्टामा २ लाख ३४ हजार ५५० जनामा संक्रमण पुष्टि भएको छ । यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो ।

पछिल्लो वृद्धिसँगै अमेरिकामा संक्रमितको संख्या २ करोड २ लाख १६ हजार ९९१ पुगेको छ ।

संक्रमितमध्ये अहिलेसम्म १ करोड १९ लाख ९८ हजार ७९४ जना संक्रमणमुक्त भएका छन् ।

उपचार गराइरहेका ७८ लाख ६७ हजार ४१९ जनामध्ये २९ हजार ३१२ जनाको अवस्था गम्भीर रहेको वर्ल्डोमिटर्सले जनाएको छ ।