झापा– संघीय लिम्बुवान मञ्चले झापमा चिनियाँ कम्पनीको लगानी रहेको एक परियोजनाविरुद्ध बृहत प्रदर्शन गरेको छ ।
चिनियाँ प्रत्यक्ष लगानीमा ‘बेल्ट एन्ड रोड परियोना’ अन्तर्गत दमक क्लिन इन्डस्ट्रियल पार्कको निर्माणमा भइरहेको अवैध क्रियाकलापविरुद्ध मञ्चले विरोध प्रदर्शन गरेको जनाएको हो ।
मंगलबार ओलीविरुद्ध देशव्यापी प्रदर्शन भएकै बेला उनको गृहजिल्ला झापामा मञ्चले चिनियाँ परियोजनाविरुद्ध प्रदर्शन गरेको हो ।
राजनीतिकरुपमा महत्वाकांक्षी मानिएको उक्त परियोजना प्रधानमन्त्री ओली आफैले छनोट गरेको मञ्चले जनाएको छ ।
प्रदर्शनमा आदिवासी जनजाति तथा अन्य अल्पसंख्यक समुदायका पाँच हजार भन्दा बढीको सहभागिता रहेको थियो ।
उनीहरुले सो परियोजनामा भएको अनियमितता रोक्न माग राख्दै प्रदर्शन गरेको जनाइएको छ ।
प्रतिक्रिया