चैनपुर– बझाङको खप्तड छान्ना गाउँपालिका– ४ बाट जयपृथ्वी नगरपालिकाको सुवेडातर्फ जन्ती लिएर आउँदै गरेको से१ज ७१८ नंको जीप दुर्घटना हुँदा एक जनाको मृत्यु भएको छ । दुर्घटनामा परेर ७ जना घाइते भएका छन् ।
खप्तड छान्ना गाउँपालिका– २ को बाँसपाटामा भएको दुर्घटनामा परी खप्तड छान्ना गाउँपालिका– ४ का ६० वर्षीय वासुदेव जोशीको मृत्यु भएको स्थानीयवासी केशवराज जोशीले जानकारी दिए ।
दुर्घटनामा परी चालकसहित ७ जना घाइते भएका छन् । घाइतेलाई उपचारका लागि जिल्ला अस्पताल चैनपुर ल्याइएको छ ।
नेटाकाँटीयाबाट चैनपुरतर्फ जन्ती बोकेर आउँदै गरेको जीप दुर्घटनामा परेको हो । जीप सडकबाट भीरमा खसेको थियो ।
प्रतिक्रिया