काठमाडौँ– विघटित प्रतिनिधिसभामा हुम्लाबाट निर्वाचित सांसद छक्कबहादुर लामाले नेकपा (ओली समूह) को केन्द्रीय महाधिवेशन आयोजक समिति सदस्य परित्याग गरेका छन् ।

शनिबार विज्ञप्ति जारी गर्दै लामाले हुम्लावासी जनता, कार्यकर्ताको सल्लाह, सुझाव र भावनालाई सम्बोधन गरी ओली नेतृत्वको नेकपा महाधिधिवेशन आयोजक समितिको सदस्य पद परित्याग गरी नेकपा (प्रचण्ड-नेपाल) संगठनमा यथावत् रहेको प्रस्ट पारेका हुन् ।

उनले विचलित नभई प्रचण्ड-नेपालको मूल पार्टी नेकपामा एकताबद्ध भएर बस्न समेत विज्ञप्तिमार्फत अनुरोध गरेका छन् ।

यसअघि उनले आफ्नो हस्ताक्षरको दुरुपयोग भएको आरोप लगाउँदै आफू ओली समूहमा रहेको बताएका थिए ।

प्रधानमन्त्री केपी शर्मा ओलीविरुद्ध अविश्वास प्रस्तावका लागि संकलित हस्ताक्षरमा आफ्नो हस्ताक्षरको दुरुपयोग भएको लामाले आरोप लगाएका थिए ।

गत सोमबार प्रधानमन्त्रीले बोलाएको भेलामा समेत उनी सहभागी भएका थिए ।

लामाद्वारा जारी विज्ञप्ति यस्तो छ-