काठमाडौँ– नेपाली कांग्रेसका नेता डा शेखर कोइरालाले देशमा उत्पन्न पछिल्लो राजनीतिक अवस्था र संवैधानिक संकटका विषयमा नेता तथा कानुनविदहरुसँग छलफल गरेका छन् ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संघीय संसद अन्तर्गतको प्रतिनिधिसभा विघटनको घोषणा गरेपछि उत्पन्न परिस्थितिका विषयमा कोइरालाले नेता तथा कानुनविदहरुसँग छलफल गरेका हुन् ।

छलफलमा कांग्रेस केन्द्रीय सदस्यहरु दीपक गिरी, रामकृष्ण यादव, गगन थापा, बद्री पाण्डे र जीवन परियार सहभागी थिए ।

त्यस्तै कानुनविदहरु राधेश्याम अधिकारी, शेरबहादुर केसी, उपेन्द्रकेशरी न्यौपाने, महादेव यादव, वसन्तराम भण्डारी, डा भीमार्जुन आचार्य, रामकृष्ण तिमल्सिना, योगेन्द्र अधिकारी, सुनील पोख्रेल र एकराज पोख्रेल सहभागी थिए ।

सरकारी कदमका विषयमा पार्टीको धारणा तय गर्दै नयाँ रणनीति बनाउन आजै कांग्रेस केन्द्रीय समितिको बैठक पनि बोलाइएको छ ।