काठमाडौँ– स्काउटभित्र राजनीति हाबी भएको भन्दै‍ स्काउटकर्मीहरुले विरोध प्रदर्शन गरेका छन् ।

नेपाल स्काउट सघर्ष समितिले लैनचौरस्थित स्काउट कार्यालयमा प्रदर्शन गरेको हो ।

स्काउटभित्र गैर स्काउटहरुको हावी भएको भन्दै स्काउटको शुद्धीकरण र सम्पती रक्षाका लागि विरोधमा उत्रनु परेको प्रदर्शनका सहभागीहरुले जनाएका छन् ।

स्काउटभित्र गैर स्काउटहरुको मनोमानी र राजनैतिक क्रियाकलाप भएको भन्दै त्यसविरुद्ध बाध्य भएर उत्रनु परेको संघर्ष समितिका संयोजक पुण्यराम गोथेले बताए ।

जिल्ला कमिटी खारेज भइरहेको अवस्थामा प्रदेश कमिटी गठन भएको तदर्थ समितिमा राजनैतिक दलका कार्यकर्ताहरुलाई राखिएको आरोप उनीहरुको छ ।

समितिले व्यक्तिगत पूर्वाग्रहबाट माथि उठेर संस्थाको रक्षाका लागि एकजुट हुन समेत सम्पूर्ण स्काउटहरुलाई आह्वान गरेको छ ।

६ महिना भित्रमा स्काउटको निर्वाचन गराइसक्नु भनेर युवा तथा खेलकुद मन्त्रालय संयोजक लोकबहादुर भण्डारीलाई जिम्मेवारी दिएको भएपनि ऐन जारी भएको २१ महिनासम्ममा पनि निर्वाचन नगरेको आरोप संघर्ष समितिले लगाएको छ ।

समितिले बिभिन्न १० बुँदे माग अघि सार्दै आन्दोलन गर्दै आएका छन् ।

हेरौँ भिडियो