काठमाडौँ– फिफा ‘दि वेस्ट’ अवार्ड जर्मन तथा ब्रार्यन म्युनिखका फरवार्ड रोवर्ट लेवान्डोस्कीले जितका छन् ।

शुक्रबार बिहान उनी यस वर्षको फिफा दी वेस्ट अवार्डबाट सम्मानित भए । अघिल्लो वर्ष यही अवार्ड जितेको अर्जेन्टिना तथा बार्सिलोनाका कप्तान लियोनल मेस्सी र पोर्चुगल तथा युभेन्ट्सका स्टार खेलाडी क्रिष्टियानो रोनाल्डो अन्तिम तीनको मनोनयनमा थिए ।

जसमा लेवान्डोस्कीले मेस्सी र रोनाल्डोलाई पछि पार्दै अवार्ड हात पारेका छन् ।

च्याम्पियन्स लिग विजेता लेवान्डोकीका प्रतिद्वन्दीका रुपमा मनोनयनमा परेका विश्व फुटबल प्रसिद्ध फुटबलर मेस्सी र रोनाल्डोले कसलाई भोट गरे ? उनीहरुले पहिलो रोजाईमा को परे ? कि आफैँलाई हाले भन्ने जिज्ञासा आम फुटबल समर्थकको हुन सक्छ ।

मेस्सीले पहिलो नम्बरमा ब्राजिल तथा पेरिस सेन्ट जर्मनका स्टार खेलाडी आफ्ना पूर्व टिम मेट नेयमारलाई भोट गरेका छन् भने दोस्रो नम्बरमा विश्व विजेता केलियन एमबाप्पेलाई भोट गरेका छन् । उनले तेस्रो नम्बरमा च्याम्पियन्स लिग विजेता लेवान्डोस्कीलाई दिएका छन् ।

यता, रोनाल्डोले भने पहिलो भोट लेवान्डोस्की, दोस्रो भोट मेस्सी र तेस्रो भोट युवा स्टार एम्बाप्पेलाई हालेका छन् ।