ब्रसेल्स- पाकिस्तानमा महिलाविरुद्धका हिंसाप्रति युरोपियन युनियन (ईयू) ले गम्भीर चिन्ता व्यक्त गरेको छ ।
ईयूका सांसदहरुले सेप्टेम्बरमा लाहोरमा क्रूर मोटरवे बलात्कारको घटनापछि पाकिस्तानमा महिलामाथि हुने हिंसाको घटनाप्रति गम्भीर चिन्ता व्यक्त गरेका हुन् ।
लाहोरको राजमार्गमा गाडी बिग्रिएपछि सहयोगको लागि पर्खिरहेकी महिलालाई उनकै बच्चाको अगाडि बलात्कार गरिएको थियो । लाहोरको सहर प्रहरी अधिकारीले उल्टै पीडितलाई दोष लगाएर विवाद उत्पन्न गराएको थियो । यसले अन्तर्राष्ट्रिय चिन्ता उत्पन्न गराएको थियो ।
सोमबार आयोगका उपाध्यक्ष तथा विदेश मामिला तथा सुरक्षा नीतिका उच्च प्रतिनिधि जोसेप बोररेलसहित ईयूका प्रतिनिधिमण्डलले पाकिस्तान सरकारले महिला हिंसाविरुद्ध कडा कदम चाल्न नसकेको भन्दै निन्दा गरेका छन् ।
इयूले जारी गरेको विज्ञप्तिमा भनिएको छ, “सेप्टेम्बर २ मा युरोपेली संसदका सदस्य समीरा राफेला, करेन मेलचीयर, अबिर अल-सहलानी, रडका म्याक्सोवा, सिल्वी ब्रुनेट, इरेन टोलरेट, क्रिसौला जकारोपुलो, हल्डे वाउटमन्स र सुसाना सोलिस पेरेज, सबै राजनीतिक समूहले जोसेप बोररेललाई संसदीय प्रश्न पठाउनु भएको थियो । उक्त प्रश्नको जवाफसहित पाकिस्तानको घटनाप्रति गम्भीर चिन्ता व्यक्त गर्नुभएको छ ।”
बोरेलले पाकिस्तानमा भएको यौन हिंसाका घटनाको कडा निन्दा गर्छौ र उनीसँग ठोस कदम चाल्ने सम्बन्धमा पाकिस्तानलाई आग्रह गर्ने बताएका छन् । पाकिस्तानमा कुनै पनि वर्तमान र भावी योजनाहरु महिला अधिकारको प्रबर्धनमा आधारित हुने निश्चित भएपछि मात्रै सहयोग उपलब्ध गराइने उनले बताएका छन् । महिलाहिंसाविरुद्धका सम्पूर्ण हिंसातको उन्मुलनका लागि ईयूले पहल गर्नेछ ।
बोररेलले आफ्नो समापन वक्तव्यमा सबै ग्रामीण विकास, शिक्षा र सरकारी परियोजनालगायत पाकिस्तान भित्रका ईयूका परियोजनाहरुमा लैंगिक मूलधारलाई समाहित गरिएको र महिलाविरुद्ध हुने हिंसा अन्त्य गर्ने कार्यसूचीमा तयार गरिनेसमेत बताएका छन् ।
प्रतिक्रिया