काठमाडौं–चार वर्षअघिको शक्तिशाली भूकम्पको केन्द्रविन्दु बारपाकमा निजी आवास पुनर्निर्माण ८५ प्रतिशत सकिएको छ । यहाँका सबै घरमा क्षति पुगेको थियो । धार्चे गाउँपालिका ६, काशीगाउँका मानबहादुर गुरुङले ३ लाख सरकारी अनुदान र १ लाख रुपैयाँ ऋण लिएर भूकम्प प्रतिरोधी घर बनाएको कान्तिपुरमा खबर छ ।

त्यस्तै लाभग्राहीको सूचीमा नाम भए पनि जग्गाको अभावमा यहाँका १ सय ८० पीडितले घर निर्माण शुरु गरेका छैनन् । पालुङटार नगरपालिकाका ७४, गोरखा नगरपालिकाका ४४, सिरानचोकका ११ र आरुघाटका ६ भूमिहीन पीडितको तथ्यांक प्राप्त भएको पत्रिकामा खबर छ ।

त्यस्तै शिक्षक नियुक्ति केन्द्रबाटै शीर्षकको समाचारमा शिक्षा मन्त्रालयले स्थानीय सरकारको अधिकार हस्तक्षेप गर्दै करारमा शिक्षक नियुक्ति गर्न ७७ वटै जिल्लाका शिक्षा विकास तथा समन्वय इकाइलाई सर्कुलर गरेको छ ।

त्यस्तै चिसो खोज्दै भमरा हिँड्न थालेको, भारतीय प्रधानन्यायाधीशमाथि यौन उत्पीडनको आरोप लागेको, विप्लव समूहका तीन जना पक्राउ परेको खबरलाई प्राथमिकताका साथ छापेको छ।