मुम्बई – ओम राउतद्वारा निर्देशित फिल्म ‘आदिपुरुष’ विवादमा फसेको छ । एक वकिलले फिल्ममेकर र अभिनेता सैफ अली खानविरुद्ध याचिका दायर गरेपछि विवाद उत्पन्न भएको हो ।

उत्तर प्रदेशको जैनपुर जिल्लाको एक अदालतमा वकिलले याचिका दायर गराएका हन् । यसको सुनुवाई २३ डिसेम्बरमा हुनेछ ।

‘आदिपुरुष’ भगवान् रामको जीवनीमा बनेको एक फिल्म हो । फिल्ममा सैफ अली खानको भूमिका रावणसँग मिल्दो छ ।

यसअघि सैफले एक अन्तर्वार्तामा भनेका थिए,‘ लक्ष्मणद्वारा रावणकी बहिनी सुर्पणखाको नाक काटिएको थियो, यसकारण सीताको अपहरण गरिएको थियो, जुन न्यायसंगत हो ।’

यही विषयलाई उठाएर उनी र फिल्ममेकर विरुद्ध उजुरी परेको हो । सैफले अन्तर्वार्तामा विवादित बयान दिए पनि पछि माफी मागेका थिए ।