काठमाडौं – काठमाडौंको चन्द्रागिरिमा मिनिट्रक दुर्घटना हुँदा दुई जनाको ज्यान गएको छ ।
चन्द्रागिरि नगरपालिका-२ वाडभञ्ज्याङस्थित सडकबाट ना २ क ३२३ नम्बरको ट्रक दुई सय मिटर तल खस्दा दुई जनाको मृत्यु भएको हो ।
महानगरीय प्रहरी परिसर, काठमाडौंका प्रवक्ता प्रहरी नायब उपरीक्षक प्रमेश विष्टका अनुसार मृत्यु हुनेमा सिन्धुलीका अन्दाजी २३/२४ वर्षीय मनिष कार्की र २५/२६ वर्षीय मानकुमार माझी रहेका छन् ।
ट्रक कसले चलाएको थियो भन्ने खुलेको छैन । उक्त मिनी ट्रक आइतबारदेखि हराइरहेको थियो ।
उक्त मिनी ट्रक दामन कन्स्ट्रक्सनको भएको प्रहरीको प्रारम्भिक अनुसन्धानमा देखिएको छ ।
प्रतिक्रिया