काठमाडौँ–  मोरङको मिक्लाजुङ गाउँपालिका–१ का शिक्षक राजेन्द्र श्रेष्ठ ‘हत्या’को जिम्मा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले लिएको छ ।

नेकपाको मेची–कोशी ब्यूरोले प्रेस वक्तव्य जारी गर्दै शिक्षक श्रेष्ठको मृत्यु प्रतिकारका क्रममा भएको दाबी गरेको हो ।

मेची–कोशी ब्यूरो इन्चार्ज प्रतापद्वारा जारी प्रेस वक्तव्यमा भनिएको छ- ‘उनलाई सम्झाउन जाँदा हतियार लिएर आक्रमण गर्न आइलागेकाले प्रतिकारका क्रममा मृत्यु हुन गएको सम्बन्धित सबैमा जानकारी गराइन्छ ।’

सरस्वती आधारभुत विद्यालयका प्रधानाध्यापक श्रेष्ठको शव आज मिक्लाजुङ गाउँपालिका–१ को जंगलमा विभत्स अवस्थामा भेटिएको थियो ।

शिक्षक श्रेष्ठसँग नेत्रविक्रम चन्द ‘विप्लव’ समूहले चन्दा मागेको उनको परिवारले बताएको छ।

यस्तो छ विज्ञप्ति