काठमाडौं – चलचित्र ‘जात्रै जात्रा’ टिमले एकसाथ चार पोस्टर सार्वजनिक गरेको छ । फिल्म रिलिज मिति नजिकिँदै गर्दा फिल्मको फस्ट लूक सार्वजनिक गरिएको हो ।
प्रदीप भट्टराईले निर्देशन गरेको यो फिल्म ‘जात्रा’ को सिक्वेल हो । फिल्ममा रविन्द्रसिंह बनियाँ कार्यकारी निर्माता छन् भने यज्ञेश्वर पौडेल र सिंगे लामाले लगानी गरेका छन् ।
कलाकारको कुरा गर्नुपर्दा यो फिल्ममा दयाहाङ राई, विपिन मल्ल, रविन्द्र झा, रविन्द्रसिंह बनियाँ, राजाराम पौडेल, वर्षा राउत लगायतको मुख्य अभिनय रहेको छ । पोस्टरमा पनि यी कलाकारलाई नै हाइलाइट गरिएको छ ।
चलचित्र जेठ ३ बाट प्रदर्शनमा आउँदैछ । फिल्मले अर्को हप्ता ट्रेलर सार्वजनिक गर्ने जनाएको छ ।
प्रतिक्रिया