आवश्यक सामग्री :

१ किलो खसीको मासु (छाला बासो नभएको), तोरिको तेल आवश्यकता अनुसार, १० ग्राम सुकेको रातो खोर्सानी भुटेर पिँध्नु, २५/२५ ग्राम जिरा, धनियाँ, रायो वा मुलाको बिउ (दाना) भुटेर पिँध्नु, नुन, बेसार, चूक अमिलो आधा चम्चा, ५०/५० ग्राम अदुवा पीस गरेको ।

बनाउने तरिका

मासु सफा गरी नुन बेसार राखेर पाक्ने गरी उसिन्नु र पानी निचोरेर लामो मसिनो पीस गर्नु । अब तेल तताई राम्रो कडा हुने गरी फ्राई गर्नु । अदुवा, लसुन पनि फ्राई गर्नु र बचेको तेलमा सबै मसला अदुवा, लसुन, अमिलो राखी चलाउनु र सुख्खा सीसीमा राख्नु । तेल नपुगेमा अर्को तताई डुब्ने गरी राख्नु तेलमा । यसरी बनाएको अचार ५/६ महिनासम्म राखी खान सकिन्छ । सीसीबाट निकाल्दा चम्चा चिसो हुनु हुँदैन । यो अचार खसी बाहेक चिकेन वा वफको पनि बनाउन सकिन्छ । तर बफ बनाउँदा अलिकति टिमुरको धुलो राख्नु पर्छ । अन्य मसला सोही अनुसार राख्नुपर्छ ।

साभार : ‘सजिलो कुकिङ’ पुस्तकबाट