काठमाडौं – शिशिर राणाले निर्देशन गर्ने फिल्म ‘पोइ पर्‍यो काले’ मा अभिनेता सौगात मल्ल अनुबन्ध भएका छन् । फिल्ममा यसअघि नै नायिका पूजा शर्मा र आकाश श्रेष्ठ अनुबन्ध भएका थिए । यो फिल्ममा पूजाले २० लाख पारिश्रमिक लिएको हल्ला पनि फैलिएको थियो ।

निर्माण टिमका अनुसार यो फिल्ममा बिहीवार सौगात मल्ललाई अनुबन्धित गरिएको हो । फिल्मको कथा सौगात मल्लको वरिपरि घुम्ने बताइएको छ । फिल्ममा अर्की नायिका पनि हुने तर को हुने भन्नेमा अझै स्योर नभएको स्रोतले बतायो ।

आउँदो जेठबाट फ्लोरमा जाने यो फिल्ममा अर्की नायिकाका रुपमा सौगात मल्लकी प्रेमिका सृष्टि श्रेष्ठ हुने सम्भावना रहेको बताइएको छ । यद्यपि यसबारेमा कुनै जानकारी बाहिर आएको छैन ।

फिल्मले अहिलेलाई कार्तिक ८ गतेलाई रिलिज मिति तोकेको छ । फिल्ममा पूजा र आकाशको जोडी दर्शकले देखे पनि पूजा, आकाश र सौगातलाई भने यो फिल्ममा एकैसाथ पहिलोपटक देख्न पाउनेछन् ।