इरान- इरानले युरेनियमको उत्पादन बढाउने कानून पारित गरेको छ ।
नयाँ कानूनले संयुक्त राष्ट्रसंघीय अनुगमनकर्तालाई आफ्नो परमाणु क्षेत्रमा अनुगमनमा पनि रोक लगाउने व्यवस्था गरेको छ ।
इरानले अबको दुई महिना भित्र आफूमाथि लगाइएका प्रतिबन्ध फुकुवा नभएमा युरेनियमको उत्पादन २० प्रतिशतसम्म बिस्तार गर्ने चेतावनी पनि दिएको छ ।
सन् २०१५ मा भएको एक सम्झौतामा इरानले युरेनियम क्षमता ३.६७ प्रतिशतभन्दा बढाउन पाउँदैन ।
तर, शीर्ष परमाणु वैज्ञानिक मोहसेन फाख्रिजादेहको हत्या भएपछि इरानले सुरक्षा चुनौती जनाउँदै युरेनियम उत्पादन बढाउन नयाँ कानून ल्याएको हो।
प्रतिक्रिया