काठमाडौं– नेपाल कम्युनिष्ट पार्टीका नेता एंव पूर्वमन्त्री गोकुल बास्कोटाले कार्यकर्ता र जनताको फैसला कुर्न शीर्ष नेतासँग आग्रह गरेका छन् । उनले नेकपाको विवाद पदका लागि भएको भन्ने कुरा बहुत सरलरुपमा बुझ्न सकिने पनि स्पष्ट पारेका छन् ।

नेता बास्कोटाले कार्यकर्तालाई नेतृत्व चयन गर्ने अवसरबाट बञ्चित गर्नु र आमचुनावमा जनताले गर्ने फैसला समेत कुर्न नसके नेकपा क्लाईमेक्स र कोल्याप्स यसै समयमा देखिने चेतावनी दिएका छन् ।

उनले भनेका छन् – ‘नेकपा विवाद हेर्दा बहुत सरलरुपमा यो भन्न सकिन्छ कि महाधिवेशन छलेर, कार्यकर्तालाई निर्णय गर्ने अवसरबाट बञ्चित गरेर अनि आमचुनावमा जनताले गर्ने फैसलासमेत कुर्न नसकेर जाने हो भने नेकपाको क्लाईमेक्स र कोल्याप्स यसै समयमा देखिने भो । त्यसपछि जय जय जय होईन जय नेपाल !’