लखनउ– भारतमा एक यूवाले लोकसभा चुनावमा भोट गरेपछि आफ्नो औंला काटेका छन् । सर्तकता अपनाउन नसक्दा गलत पार्टीलाई भोट हालेको भन्दै ती युवाले आफ्नो औंला काटेको बिबिसीले उल्लेख गरेको छ ।

पवन कुमार नाम गरेका उनले उत्तर प्रदेशको बुलन्दशहरमा बिहिबार भोट गरेका थिए । उनले दलित सर्मथित बुहजन समाजवादी पार्टीलाई भोट गर्न चाहेका थिए, तर उनले भारतीय जनता पार्टीलाई भोट गरेको बताएका छन् । भारतीय जनता पार्टी भारतीय प्रधानमन्त्री नरेनद्र मोदीकाे दल हो ।

उनले स्थानीय पार्टीलाई भोट गर्न भनि गए पनि चुनाव चिह्नको कारण अर्कै पार्टीलाई भोट गर्न पुगेकाले निराश भई औंला काटेको प्रतिक्रिया दिएका छन् ।

समाजवादी पार्टीको चुनाव चिह्न हात्ती भएको र यसले अन्य दुई पार्टीसँग साँठगाँठ गरी भारतीय जनता पार्टीविरुद्ध चुनाव लडिरहेको छ ।

भारतीय जनता पार्टीको चुनाव चिह्न भने कमलको फुल रहेको छ । भारतमा अहिले दोस्रो चरणको चुनाव भइरहेको छ, जहाँ ९० करोड जनता भोट गर्न योग्य छन् ।