एजेन्सी- अमेरिकी राष्ट्रपतिमा निर्वाचित जो बाइडेनले ट्रेजरी सेक्रेटरी अर्थात् अर्थमन्त्रीमा जानेट यालेनलाई मनोनयनको प्रस्ताव गरेका छन् ।

जानेट अमेरिकी अर्थशास्त्री एवं युनिभर्सिटी अफ क्यालिफोर्नियाकी प्रोफेसर हुन् ।

अर्थमन्त्रीमा जानेट नियुक्त भएमा उक्त पदमा पुग्ने पहिलो महिला हुने बीबीसीले जनाएको छ।

अन्तरिम प्रशासन सञ्चालनको क्रममा बाइडेनले आफ्नो टिममा महिलालाई प्राथमिकता दिँइरहँदा उनको नाम प्रस्ताव गरेका हुन् ।

नयाँ राष्ट्रपतिले चार हजारभन्दा बढी राजनीतिक पदहरु पूर्ती गर्न पाउनेछन् । बाइडेनले विदेशमन्त्रीमा स्टोनी ब्लिंकेन र गृहमन्त्रीमा अलेहान्द्रो मेयरकासलाई प्रस्ताव गरिसकेका छन्।

नोभेम्बर ३ को चुनावबाट अमेरिकी राष्ट्रपतिमा निर्वाचित भएका बाइडेनले जनवरी २० मा ह्वाइट हाउसमा पद तथा गोपनियताको शपथग्रहणपछि कार्यभार सम्हाल्ने छन् ।