काठमाडौं–सरकारले आज र भोली देशभर राष्ट्रिय भिटामिन कार्यक्रम गर्दैछ । ७७ वटै जिल्लाका ६ महिनादेखि ५ वर्षसम्मका बालबालिकालाई भिटामिन ‘ए’ र जुकाको औषधि खुवाउन दोस्रो चरणका कार्यक्रम शुरु भएको हो ।

आज (शुक्रबार) र भोली (शनीबार) देशभरका स्थानीय तहहरुमा ६ महिनादेखि ५ पाँच वर्षसम्मका बालबालिकालाई भिटामिन र १ वर्षदेखि ५ वर्षसम्मका बालबालिकालाई जुकाको औषधि खुवाइदै छ ।

यस्तौ शीघ्र कुपोषणको एकीकृत व्यवस्थापन कार्यक्रम लागू भएका ३० जिल्लाका ५ वर्षमुनिका बालबालिकालाई पोषणस्थित परीक्षण र ६ महिनादेखि २३ महिनासम्मका बालबालिकालाई सुक्ष्म पोषणतत्व बालभिटा वितरण कार्यक्रम रहेको छ ।

परिवार कल्याण महाशाखाको पोषण शाखाका प्रमुख केदार पराजुलीका अनुसार आज र भोलि गरी ६ महिना देखि ५ बर्षसम्मका २७ लाख ६८ हजार ५४० जना बालबालिकालाई भिटामिन ए खुवाइदै छ ।

यस्तै १ बर्षदेखि ५ बर्ष उमेरका २३ लाख ५६ हजार ८४३ लाख बालबालिकालाई जुकाको औषधि खुवाइने छ । राष्ट्रिय भिटामिन कार्यक्रमको लागि सरकारले आठ करोड बजेट छुट्याएको शाखाका प्रमुख पराजुलीले जाकारी दि ए ।