काठमाडौं – वैशाख १३ गतेबाट नेपालमा ‘छक्का पञ्जा २’ पुनः रिलिज हुने भएको छ । यो मितिमा नेपालमा अरु कुनै फिल्म पनि रिलिज नहुने भएपछि ‘छक्का पञ्जा २’ पुनः रिलिज हुने भएको हो । यद्यपि यही दिन हलिउडको प्रतीक्षित फिल्म ‘एभेन्जर्सः इन्ड गेम’ रिलिज हुँदैछ ।

पहिले नै रिलिज भएको फिल्म ‘छक्का पञ्जा २’ अन्य दुई सिरिजको तुलनामा कम चलेको थियो । फिल्म ‘छक्का पञ्जा’ को व्यापार भने आक्रामक थियो ।

दीपकराज गिरी लगायतको टिमले निर्माण रहेको यो फिल्मलाई दीपाश्री निरौलाले निर्देशन गरेकी छिन् । कमेडी जानराको यो फिल्ममा जितु नेपाल, केदार घिमिरे, वर्षा राउत, प्रियंका कार्की, स्वरुप पुरष ढकाल, स्वस्तिमा खड्का लगायतका कलाकारको अभिनय छ ।

यसपटक भने फिल्मबाट उठेको ठूलो हिस्सा रवि लामिछानेले निर्माण गर्दै गरेको अस्पताललाई सहयोग गरिने ‘छक्का पञ्जा २’ टिमले जनाएको छ ।

यता मल्टिप्लेक्सका दर्शकले भने ‘एभेन्जर्सः इन्ड गेम’ को पनि लामो समयदेखि प्रतीक्षा गरिरहेका छन् । यो फिल्ममा कैयन् सुपरहिरोहरु हुनेछन् । सुपरहिरोहरुलाई हामीले मार्भलको सिनेम्याटिक युनिभर्समा लड्दै गरेको देख्नेछौँ । यो फिल्म थ्रीडीमा पनि रिलिज हुनेछ ।