काठमाडौं-नेपाल सरकारका सचिव, सहसचिवलगायत उपल्लो तहका कर्मचारीले पदीय हैसियत दुरुपयोग गर्दै समायोजन भएर गएका आफन्तलाई संघीय राजधानी र अनुकूलका कार्यालयमा काज सरुवा गराएका छन् । जस अन्तगर्त सचिव कृष्णप्रसाद देवकोटाकी पत्नी दिलकुमारी कार्यालयमै हाजिर भइन ।

त्यस्तै सचिव खगराज बरालका भाइ बाबुराम रौटहट छाडेर लमजुङ पुगेका छन् । सहसचिव शिवराम न्यौपानेकी छोरी आरती भरतपुर महानगर छाडेर बाबुकै कार्यालयमा आएकी छन् । सहसचिव रामेश्वर दंगालका छोरा सुजन भरतपुर महानगर छोडेर अख्तियारमा आएको कान्तिपुर दैनिकमा खबर छ ।

त्यस्तै रोक्का भएन बालुवाटारको जग्गा शीर्षकको समाचारमा बालुवाटारको अतिक्रमित ११७ रोपनी सरकारी जग्गा रोक्का राख्ने मन्त्रिपरिषदको निर्णय कार्यान्व्यन गर्न भूमिसुधार कार्यालय डिल्लीबजारले अस्वीकार गरेको छ ।

त्यस्तै स्थानीय तहमा नयाँ अभ्यास, सामुदायिकमा गाभिए निजी स्कुल शीर्षक दिएर पत्रिकाले छापेको समाचारमा गुल्मी, पाल्पामा बोर्डिङ नराख्ने अभियान विस्तारै शुरु भएको छ । त्यसका लागि अभ्यास पनि थालिएको खबर छापिएको छ।