इस्लामावाद- पाकिस्तानमा जुलाईयताकै कोरोना संक्रमण उच्च देखिएको छ । मंगलबार जुलाईपछिकै सबैभन्दा बढी कोरोना संक्रमित फेला परेका छन् ।

मंगलबार एकैदिन दुई हजार ९५४ नयाँ कोरोना संक्रमित फेला परेका हुन् । नयाँ कोरोना भाइरस संक्रमित थपिएसँगै पाकिस्तानमा कोरोना संक्रमितको कुल संख्या तीन लाख ७९ हजार ८८३ पुगेको छ ।

त्यसैगरी थप ४८ कोरोना संक्रमितको मृत्यु भएको छ । देशभर कोरोना भाइरस संक्रमितको मृत्यु हुनेको संख्या सात हजार ७४४ पुगेको छ । हालसम्म कूल तीन लाख ३१ हजार ७६० मानिसहरु कोरोना संक्रमणमुक्त भएका छन् भने ४० हजारभन्दा बढी सक्रिय संक्रमित रहेका छन् ।

पाकिस्तानमा धेरै प्रान्तहरु कोरोना संक्रमण बढ्दै जाँदा नयाँ प्रतिबन्धहरु घोषणा गरिएका छन् । सिन्ध सरकारले कोभिड-१९ को प्रसार रोक्‍न थप कोरोना भाइरस लकडाउन जारी गरेको छ ।

पञ्‍जाबमा ६३० कोरोना संक्रमित थपिएका छन् भने त्यो ४९८ दिनपछिकै सबैभन्दा उच्च संक्रमण हो । प्रान्तमा एक लाख १५ हजार १३८ कोरोना संक्रमित पुगेका छन् ।