काठमाडौँ– प्रा.डा. भीष्मराज प्रसाईको निधन भएको छ । मेडिसिटी इन्टरनेशनल  अस्पतालमा उपचारका क्रममा उनको बुधबार साँझ निधन भएको हो ।

८९ वर्षीय प्रसाईलाई मुटुमा समस्या देखिएपछि गत कात्तिक २८ गते मेडिसिटी अस्पतालमा भर्ना गरिएको थियो ।

डा.प्रसाईका श्रीमती सुभद्रा प्रसाई, छोरीहरू डा. सिरू प्रसाई, सञ्जु शर्मा र छोरा डा.सगर प्रसाई छन् ।

डा. प्रसाई नेपालमा मेडिकल कलेज स्थापनाको परिकल्पनाकार तथा प्रवर्तक थिए । साथै उनी त्रिभुवन विश्वविद्यालयको शिक्षण अस्पतालका संस्थापक कार्यकारी निर्देशक पनि थिए ।

प्रा.डा.प्रसाईका एक दर्जन जति साहित्यिक कृति प्रकाशित छन् ।

उनी भानुभक्त पुरस्कार (नेपाल सरकार), त्रिमूर्ति पुरस्कार, महाकवि देवकोटा शताब्दी सम्मान, नइ देरूनीख सुकीर्ति पुरस्कार आदिबाट सम्मानित भएका थिए ।