प्रिमियर लिगमा बर्नलीको पहिलो जित, क्रिस्टल प्यालेस पराजित

९ मंसिर २०७७, मंगलबार

पढ्न लाग्ने समय : < 1 मिनेट

एजेन्सी- इंग्लिस प्रिमियर लिग फुटबलमा बर्नलीले पहिलो जित हात पारेको छ ।

जारी सिजनको आठौँ खेल समाप्त हुँदा बर्नलीले पहिलो जित निकालेको हो । सोमबार राति भएको खेलमा बर्नलीले क्रिस्टललाई १-० गोल अन्तरले पराजित गर्‍यो ।

घरेलु मैदानमा बर्नलीलाई जित दिलाउन क्रिस उडले निर्णायक गोल गरे । खेलको आठौं मिनेटमा उडले निर्णायक गोल गरेका थिए ।

जितसँगै बर्नली ८ खेलमा एक जितसहित ५ अंक जोडेर १७औँ स्थानमा छ । क्रिस्टल ९ खेलमा १३ अंक जोडेर दशौँ स्थानमा रहेको छ ।

प्रकाशित मिति : ९ मंसिर २०७७, मंगलबार ६ : ०३ बजे

प्रतिक्रिया