काठमाडौँ- भारत उत्तरप्रदेशमा जीप दुर्घटना हुँदा १४ जनाको मृत्यु भएको छ ।
वैवाहिक समारोहमा गएर फर्किएको जीप प्रतापगढ जिल्लामा दुर्घटना हुँदा ६ बालबालिकासहित १४ जनाको मृत्यु भएको बीबीसी हिन्दीले जनाएको छ ।
विवाहमा गएर आफ्नो गाउँ फर्किन लागेकाहरु सवार बोलेरो जिप प्रयागराज–लखनउ राजमार्गमा रोकिराखेको एक ट्रकमा पछाडिबाट ठोक्किएर दुर्घटना भएको हो ।
चालक निदाएका कारण दुर्घटना भएको अनुमान गरिएको छ । उत्तर प्रदेशका मुख्यमन्त्री योगी आदित्यनाथले दुर्घटनाबाट आफू मर्माहत भएको बताउँदै घाइतेको उद्धार र उपचारमा कुनै कसर बाँकी नराख्न सम्बन्धित निकायलाई निर्देशन दिएका छन् ।
प्रतिक्रिया