काठमाडौं- राष्ट्रपति विद्यादेवी भण्डारी यस वर्ष छठ पर्वको पूजामा सरिक नहुने भएकी छिन् ।
कोभिड–१९ को विषम परिस्थितिलाई मध्यनजर गर्दै उनी यस वर्षको छठ पर्वमा काठमाडौँका विभिन्न स्थानमा सरिक हुन नसक्ने भएकी हुन् ।
राष्ट्रपति भण्डारी विगत वर्षमा काठमाडौँका गुहेश्वरी–गौरीघाट र कमलपोखरीमा सहभागी हुने गरेकी थिइन् ।
राष्ट्रपतिको कार्यालयका सहायक प्रवक्ता केशवप्रसाद घिमिरेले आज विज्ञप्ति जारी गरी उक्त जानकारी दिएका हुन् ।
राष्ट्रपति भण्डारी यस वर्षको वडादशैँमा समेत विभिन्न शक्तिपीठको दर्शन गर्न गएकी थिइनन् ।
प्रतिक्रिया