काठमाडौं- स्वास्थ्य तथा जनसंख्या मंन्त्रालयले हालसम्म देशभर २८ हजार २ सय ७ जना कोरोना संक्रमित होम आइसोलेसनमा रहेको जानकारी दिएको छ।
मंगलबारसम्म रहेका ३० हजार ९८६ सक्रिय संक्रमितमध्ये २८ हजार २ सय ७ जना होम आइसोलेसनमा रहेको मंन्त्रालयले जनाएको हो।
मन्त्रालयका अनुसार सबैभन्दा धेरै बाग्मती प्रदेशमा १८ हजार ७ सय ३५ जना होम आइसोलेसनमा छन्।
त्यस्तै प्रदेश १ मा ३ हजार ४ सय २, प्रदेश २ मा ६८४, लुम्बिनी प्रदेशमा २२०३, सुदूरपश्चिम प्रदेशमा १००५, गण्डकी प्रदेशमा १९६५ र कर्णाली प्रदेशमा २१३ जना होम आइसोलेसनमा रहेको मन्त्रालयले जनाएको छ।
प्रतिक्रिया