काठमाडौं- रिलिज हुन केही दिन बाँकी रहँदा मार्भल स्टुडियोको बहुप्रतीक्षित फिल्म ‘एभेन्जर्स: इन्ड गेम’ को नयाँ ट्रेलर सार्वजनिक गरिएको छ । मार्भलले युट्युबमार्फत उक्त ट्रेलर सार्वजनिक गरेको हो ।

ट्रेलरमा यसअघि रिलिज भइसकेका एभेन्जर्सलाई देखाइएको छ । ट्रेलरमा समावेश धेरै दृश्य अघिल्ला सिरिजहरूबाट लिइएको छ । ट्रेलरमा आइरन म्यान, क्याप्टेन मार्भल, थोर, डक्टर स्ट्रेन्ज, ब्ल्याक प्यान्थर, क्याप्टेन मार्भल, हल्क लगायतका सुपरहिरोको शक्ति देखाइएको छ भने यसअघिका सिरिज पनि सम्झाइएको छ ।

फिल्मको रिलिज मितिलाई लिएर दर्शकमा निकै चासो छ । अप्रैल २६ बाट प्रदर्शनमा आउने यो फिल्ममा कैयन् सुपरहिरोहरु मार्भलको विश्वमा युद्धमा उत्रिनेछन् ।

यसअघि रिलिज भएको फिल्म ‘एभेन्जर्स: इन्फिनिटी वार’ को क्लाइमेक्सका कारण पनि फिल्म प्रतीक्षित बनेको छ ।