काठमाडौं – कोरोनाभाइरस (कोभिड–१९) संक्रमित भएर स्वास्थ्यमा समस्या आएपछि अस्पताल भर्ना भएका हास्यकलाकार मनोज गजुरेल  डिस्चार्ज भएका छन् ।

उनले आफू डिस्चार्ज भएको सामाजिक सञ्जाल फेसबुकमार्फत जानकारी  दिएका हुन् ।

गजुरेललाई कात्तिक १० गते कोरोनाभाइरस संक्रमण पुष्टि भएको थियो । संक्रमण पुष्टि भएयता उनी होम आइसोलेसनमा बसेका थिए । पछि उनको स्वास्थ्यमा समस्या आएपछि  उनी बुधबार बलम्बुस्थित सशस्त्र प्रहरी अस्पतालमा भर्ना भएका थिए ।

उनले आफ्नो फेसबुक पेजमा आइतबार लेखेका छन्, ‘११ दिनको अस्पताल बसाईपश्चात् घर फर्किएर आराम गरिरहेको छ । कोभिड १९ का सबै रिपोर्ट नेगेटिभ आएका छन् । केही दिनमा पूर्ण स्वस्थ भएर काममा फर्कनेछु ।’

साथै उनले उच्च स्तरको उपचार सेवा प्रदान गरेको भन्दै नेपाल एपिएफ अस्पताल परिवार र परिवारका सम्पूर्ण सदस्यहरु र शुभचिन्तकलाई धन्यवाद दिएका छन् । उनले महामारीबाट सकेसम्म आफू पनि जोगिन र अरुलाई पनि जोगाउन आग्रह समेत गरेका छन् ।