मोरङ- विराटनगर महानगरपालिका– ३ दूधफारम नजिक भएको सवारी दुर्घटनामा घाइते युवतीको उपचारका क्रममा मृत्यु भएको छ ।
भारतीय नम्बरको लहरीले अटो टेम्पोलाई ठक्कर दिँदा गत शुक्रबार घाइते भएकी उदयपुर बेल्टारकी १८ वर्षीया विद्या कटवालको नोबेल मेडिकल कलेज विराटनगरमा मृत्यु भएको हो ।
सो दुर्घटनामा विराटनगर महानगरपालिका– ३ की पूजा भट्टराईको गत शुक्रबार नै मृत्यु भएको थियो ।
अटो चालक विराटनगर – १३ का ४५ वर्षीय वीरबहादुर श्रेष्ठ घाइते छन् ।
सुनसरीको दुहवीतिरबाट आउँदै गरेका एनएल ०२–एन ४४८७ नम्बरको भारतीय लहरीले दुई युवती सवार को २ ह २८१२ नम्बरको अटो टेम्पोलाई दूधफारम नजिकै ठक्कर दिएको थियो ।
प्रतिक्रिया