धनगढी -डडेल्धुरामा किशोरीलाई आक्रमण गरी ज्यान लिने चितुवालाई स्थानीयले घेरा हाली ढुंगामुढाले प्रहार गरेर मारेका छन् ।

बैतडीको शिवनाथ गाउँपालिका–४ बगारकी किशोरी माया महताको ज्यान लिने चितुवालाई स्थानीयहरुले घेरा हालेर मारेको शिवनाथ गाउँपालिकाका अध्यक्ष कणसिंह साउँदले जानकारी दिए ।

चितुवाले मायाको शव खाइरहेको अवस्थामा स्थानीयहरुले साँझ ५ बजेतिर ढुंगामुढा र घरेलु हतियार प्रहार गरेर चितुवा मारेको उनले बताए ।

अन्य स्थानीयलाई समेत आक्रमण गर्न थालेपछि चितुवालाई मारिएको अध्यक्ष साउँदले बताए । उनका अनुसार चितुवाको आक्रमणबाट अरू चार जना सामान्य घाइते भएका छन्।

सोमबार घाँस काट्न सीमा क्षेत्र डडेल्धुराको भागेश्वर गाउँपालिका १ मर्मागाड पुगेकी किशोरीको सोमबार दिउँसो चितुवाले आक्रमण गर्दा मृत्यु भएको थियो ।

आइतबार मात्रै डडेल्धुराको भागेश्वरमा चितुवाले १२ वर्षीय एक बालकको ज्यान लिएको थियो ।