काठमाडौं–  स्वास्थ्य मन्त्रालयले नेपालमा हालसम्म १३ जिल्लामा  ५ सय भन्दा धेरै सक्रिय कोरोना संक्रमित रहेको जनाएको छ ।

मन्त्रालयका अनुसार उपत्यकाका तीन जिल्ला (काठमाडौं, ललितपुर र भक्तपुर)सहित झापा, मोरङ सुनसरी, चितवन, मकवानपुर, काभ्रेपलाञ्चोक, कास्की, नवलपरासी (पूर्व), दाङ र रुपन्देहीमा ५ सय बढी सक्रिय कोरोना संक्तमित रहेका छन् ।

यसैबीच नेपालमा पछिल्लो २४ घण्टामा २ हजार ५७१ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या १ लाख ९७ हजार २४ पुगेको स्वास्थ्य मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना भाइरसका कारण १८ जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या १ हजार १२६ पुगेको छ ।

नेपालमा पछिल्लो २४ घण्टामा कोरोना संक्रमण मुक्त हुनेको संख्या १ हजार ७९८ रहेको छ । योसँगै नेपालमा कुल कोरोना संक्रमण मुक्त हुनेको संख्या १ लाख ५९ हजार ७२४ रहेको छ ।

कोरोना संक्रमण मुक्त हुनेको दर नेपालमा ८१ प्रतिशत रहेको मन्त्रालयले जनाएको छ ।