एजेन्सी- समुन्द्र शास्त्रमा उल्लेख भए अनुसार शरीरका विभिन्न भागमा हुने कोठीको फरक फरक अर्थ हुन्छ । कतिपय स्थानमा भएका कोठीले तपाईसँग भएको पैसा खर्च हुने वा व्यय मात्र भईरहने समुन्द्र शास्त्रमा उल्लेख छ ।

यी भागमा कोठी भएका व्यक्तिको हातमा टिक्दैन पैसा

१. बायाँ गालामा कोठी हुनु खर्चालु हुने लक्षण हो । त्यस्ता व्यक्तिको हातमा पैसा परे पनि खर्च भईरहन्छ ।

२. तल्लो ओठमा कोठी छ भने धनको कमी हुन्छ । तर माथिल्लो ओठमा कोठी भए त्यस्तो व्यक्ति कामुक हुने समुन्द्र शास्त्रमा पाइन्छ ।

३. बायाँ हत्केलामा कोठी हुनेहरु धेरै खर्चालु हुने गर्दछन् । त्यस्ता व्यक्तिहरुले जति कमाए पनि पैसा बचत गर्न सक्दैनन् ।

४. बायाँ खुट्टामा कोठी हुनु पनि पैसा नटिक्ने संकेत हो । त्यस्ता व्यक्तिले पैसा बचाउन नसक्ने शास्त्रमा उल्लेख छ ।

५. हत्केलामा कोठी छ भने त्यस्ता व्यक्तिले पनि धन बचाउन सक्दैनन् । तिनीहरुलाई पैसा हात लागे पनि बचत नहुने कुरा शास्त्रमा उल्लेख गरिएको छ ।

६. बायाँ आँखी भौँमा कोठी भएका व्यक्ति पनि धेरै खर्चालु हुने गरेको शास्त्रमा उल्लेख छ। त्यस्ता व्यक्तिहरुले विलाशिताका लागि धेरै पैसा खर्च गर्ने समुन्द्र शास्त्रमा उल्लेख छ ।

७. बायाँ आँखामा कोठी हुनु पनि रोगमा पैसा जाने संकेत हो । त्यस्ता व्यक्तिको पैसा उपचारमा धेरै खर्च हुन्छ ।