एजेन्सी – इटालीयन जाइन्ट युभेन्ट्सका मुख्य प्रशिक्षक मासिमिलियानो एलेग्रीले क्रिष्टिायानो रोनाल्डोलाई ‘रोक्न नसकिने’ खेलाडीको संज्ञा दिएका छन् ।

च्याम्पियन्स लिगको दोस्रो लेगमा आज (मंगलबार) राति डच क्लब अयाक्सविरुद्ध खेल्न लागेको युभेन्टसका प्रशिक्षक एलेग्रीले आफ्नो फरवार्डलाई खेलका क्रममा रोक्न नसकिने खेलाडी भएको बताएका हुन् ।

च्याम्पियन्स लिगका सर्वकालीन उच्च गोलकर्ता रोनाल्डो युभेन्ट्सको घरेलु मैदानमा पाहुना टोलीविरुद्ध आक्रामक रुपमा प्रस्तुुत हुने पनि उनले अनुमान लगाएका छन् ।

पहिलो खेलमा अयाक्सविरुद्ध एक गोल गर्दै च्याम्पियन्स लिगमा १ सय २५ गोल पूरा गरेका रोनाल्डो आजको खेलमा युभेन्ट्सका लागि गोल गर्दै टिमलाई सेमिफाइनलसम्म पुर्‍याउन सफल हुने अधिकाशंले अनुमान लगाएका छन् ।

‘रोनाल्डोमा असाधारण क्षमता छ,’ युभेन्ट्सका मुख्य प्रशिक्षक एलेग्रीले भने,‘कतिपय अवस्थामा उनी रोक्न नसकिने खेलाडी जस्तो देखिन्छन् जुन उनको अनुहारबाट प्रष्ट हुन्छ ।’